Rizoto me pomodorini dhe maskarpone
Ngrohni vajin në një tenxhere të madhe me bazë të rëndë. Shtoni qepën së bashku me një majë kripë dhe skuqeni për 10 minuta ose derisa të fillojë të zbutet dhe të bëhet e tejdukshme, më pas shtoni hudhrën...
Njoki jeshile me spinaq dhe rikota
Një recetë e pazakontë dhe e shijshme të cilën mund ta sillni në tryezë me pak përbërës e lëvizje. Shërbehet me pak vaj e një gjethe sherebelë dhe është një mënyrë e mirë për të shijuar spinaqin. Më poshtë do të lexoni se si ta realizoni recetën e këtyre njoki-ve pa patate. Edhe pse brumi është i butë për t’u punuar, mos i shtoni më shumë miell se ç’tregon receta.
Ingredientët
- 300 gr miell 00
- 500 gr rikota
- 1 kg spinaq
- 100 gr miell 00 (për të lyer planin e punës)
- 2 vezë
- Kripë
- Pak arrë moskat
Udhëzimet
1
Zjeni spinaqin në ujë të vluar, më pas kullojeni dhe shtrydheni mirë derisa t’i hiqni ujin e tepërt. Mbajeni mënjanë për të përgatitur njokit.
2
Copëtojeni spinaqin ose frulojeni duke përftuar një krem të dendur.
3
Mbi një plan pune hidhni pak miell duke u kujdesur ta mbani gjithmonë të pudrosur, pasi brumi do të jetë shumë i butë dhe i vështirë për t’u punuar.
4
Në një tas përzieni vezët, rikotën, spinaqin, më pas shtoni miellin 0, kripën dhe arrën moskat.
5
Përziejini gjithë përbërësit, vendoseni brumin në planin e punës dhe krijoni një formë salsiçeje e më pas priteni në copa.
6
Me dhëmbët e pirunit shtypini lehtësisht njokit.
7
Ziejini në ujin ku keni zier spinaqin për pak minuta.
8
Shërbejini me pak vaj dhe disa gjethe sherebele.
Lini një koment