Të kanë tepruar dy feta picë nga një natë më parë dhe po gëzon sepse sapo kuptove që e ke mëngjesin gati. Ajo që duhet është vetëm t’i ngohësh shpejt e shpejt… po si?
Në mikrovalë brumi bëhet si gomë. Në furrë do të thahet shumë dhe as që e çojmë ndërmend tostierën sepse do ngjitet i gjithë djathi.
Mos u shqetësoni, sepse ka një mënyrë ideale për të ringrohur picën që të duket sikur sapo ka dalë nga furra. Ju duhet vetëm një tigan dhe pakëz ujë.
Vendosni fetat e picës në një tigan që nuk ngjit në nxehëtsi mesatare për disa minuta derisa pjesa e poshtme të bëhet pakëz korkante. Më pas, larg prej picës, hidhni pakëz ujë, ulni temperaturën e sobës dhe mbuloni tiganin me kapak.
Avujt e ujit do të ndihmojnë në shkrirjen e njëtrajtshme të djathit dhe pica juaj është gati, ashtu siç ishte kur sapo ju erdhi.
Lini një koment