Lazanjë e ftohtë me gjizë, borzilok dhe mozzarella

Fillimisht ziejmë fletët e lazanjës për 5-6 minuta në ujë të bollshëm me kripë. Pasi i heqim nga zjarri i vendosim në ujë të ftohtë me akull.

Në një tas trazojmë hudhrën e grirë hollë, majdanozin dhe gjizën pa kripë.

I trazojmë mirë duke krijuar një masë homogjene në formë pureje.

E rregullojmë me kripë dhe piper dhe këtë masë e vendosim mbi 4 fletë lazanjë duke realizuar një lazanjë me dy tre shtresa sipas dëshirës.

Pas çdo mbushjeje vendosim nga një gjethe borziloku dhe një fetë djathë kaçkavall të butë.

Në shtresën e fundit vendosim djathin mozzarella dhe borzilok.