E keni provuar ndonjëherë t'i konservoni kungujt e pjekur? Eshtë padyshim një metodë fantastike për ta shijuar këtë perime në çdo çast që ju shkon mendja....
Si fillim sterilizoni vazot edhe kapakët. Më pas merrni kungujt, lajini, thajini me kujdes dhe hiquni kokën e bishtin.
Me ndihmën e një thike të mprehtë ose qërueseje perimesh, pritini për së gjati. Më pas kalojini në skarën e nxehur të sobës ose tostier duke i kthyer nga dy anët për disa minuta.
Në një tenxhere ose tigan të thellë shtoni uthullën dhe vajin e ullirit. Vendosini në zjarr të ulët.
Shtoni kokrrat e piperit, gjethet e dafinës dhe në fund sheqerin. Përziejini me një lugë druri derisa së të marrin valë, më pas fikeni menjëherë zjarrin dhe lëreni përbërjen të ftohet.
Mbushni kavanozat me kungujt e ftohur, duke i ngjeshur me një pirun. Shtoni dhe gjethen e borzilokut.
Shtoni gradualisht edhe masën që përgatitët (që duhet të jetë ftohur disi).
Mbyllini hermetikisht kavanozat duke i zier me kokëposhtë dhe ruajini në një vend të freskët e të thatë.
Lini një koment