Sugjerojmë:

Karamele xhel me fruta: receta me tre përbërës për të kënaqur fëmijët tuaj

Jo vetëm fëmijët, por edhe të rriturit nuk u rezistojnë dot karameleve xhel me fruta. Dhe kjo është një arsye shumë e mirë për t’i përgatitur në shtëpi bashkë me të vegjlit dhe për t’i shijuar ato pa pasur frikën e konservantëve dhe ngjyruesve apo sasive të larta të sheqerit.

Receta që do t’ju prezantojmë sot, parashikon përdorimin e lëngut të frutave. Mund ta zëvendësoni edhe me xhelatinën e pjeshkës. Le të shohim së bashku si përgatiten:

Përbërësit:

  • 200 ml lëng frutash
  • 150 gr sheqer
  • 6 fletë xhelatinë pjeshke

Përgatitja:

  • Merrni lëngun e frutave dhe vendoseni të ziejë bashkë me sheqerin.
  • Vendosni xhelatinën e pjeshkës në ujë të vakët.
  • Më pas shtrydheni xhelatinën, shtojeni tek përzierja me lëng frutash e sheqer dhe fikni zjarrin.
  • Përziejeni mirë përbërjen.
  • Hidheni më pas në një formë (drejtkëndëshe) dhe lëreni në frigorifer për 2 orë.
  • Sapo përbërja të jetë forcuar, priteni në kube dhe kalojini karamelet në sheqer.

Lini një koment