Salatë me shalqi, djathë të bardhë dhe mente
1. Në një tas të madh, vendos kubet e shalqirit. 2. Shtoni sipër djathin e thërrmuar dhe gjethet e mentes. 3. Spërkatni me vaj ulliri dhe lëng lime. 4. Shtoni një majë kripë dhe pak piper të zi nëse...
Japrakë lakre me salcë
Ndoshta i keni provuar japrakët me lakër, por në variantin me oriz. Sot do ta përgatisim mbushjen e tyre me mishin e salsiçeve dhe do t’i zhysim në salcë duke përftuar një shije që vështirë të mos ju pëlqejë.
Ingredientët
- 4 gjethe lakre
- 1 qepë
- 1 thelpi hudhër
- 400 gr domatesh
- vaj ulliri e.v
- piper
- salsiçe
- 150 gr djathë fontina (pak më i butë se kaçkavalli)
- 2-3 lugë gjelle bukë e grirë e thekur
- 2-3 lugë gjelle parmixhano i grirë
- 1 vezë
- kripë
Udhëzimet
1
Për mbushjen e japrakëve skuqni salsiçet me pak vaj, hudhrën dhe qepën e grirë. Salsiçeve ua keni hequr lëkurën paraprakisht dhe i keni shtypur me piurn. Hiqini nga zjarri më pas dhe lërini të ftohen. Në një tas shtoni bukën e grirë të thekur, parmixhanon dhe vezën.
2
Shtoni salsiçen e skuqur, piper dhe pak arrë moskat nëse dëshironi. Punojeni brumin me duar. Jepuni një valë gjetheve të lakrës dhe lërini të ftohen.
3
Mbushini ato me përgatitjen e salsiçeve dhe mbyllini duke i lidhur me fill kuzhine. Vendosini në një tigan me pak vaj dhe pak verë të bardhë. Pasi vera të ketë avulluar, shtoni dhe pak ujë e salcën e domateve. Gatuajini për 15 minuta me kapak.
Lini një koment