Sugjerojmë:
Kjo recetë me fileto pule është shumë e shijshme dhe kërkon disa përbërës të thjeshtë. Jeni gati të nisni nga përgatitjet?
Filetot e pulës duhet t’i keni prerë hollë. I shtypni me një çekiç kuzhine, i marinoni me kripë, piper dhe hudhër pluhur.
I kaloni në një enë me miell dhe i lyeni nga të dyja anët.
Në një tigan në zjarr mesatar shtoni 1 lugë gjelle vaj ulliri dhe 1 lugë gjalpë.
Skuqni filetot e pulës mirë nga të dyja anët.
Sapo të kenë marë një ngjyrë të artë, i hiqni filetot nga zjarri.
Fikeni zjarrin,por në po të njëjtin tigan ku skuqët filetot shtoni lëngun e pulës, lëngun e limonit, mjaltin dhe gjalpin e mbetur. I përzieni mirë.
Shtoni filetot e pulës dhe i lini në zjarr për 5 minuta, derisa salca të trashet pak. I shtoni sërish e kripë e piper nëse e shihni të nevojshme.
Lini një koment