Tavë Me Qumësht
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
Domate të mbushura me mish dhe perime
Domatet janë një prej perimeve më të çmuara që vera na dhuron: jemi mësuar t’i shohim në tezgat e fruta-perimeve gjithë vitin, por kjo është periudha që kanë maksimumin e shijes dhe të aromës. Sot kemi zgjedhur domate zemër kau për të përgatitur pjatën e domateve të mbushura me mish. Një variant klasik i domateve të mbushura me oriz që mund ta servirni si pjatë të dytë, për një menu krejtësisht mesdhetare, ndoshta pas një pjate të mirë pastash me patëllxhanë e djathë.
Ingredientët
- 6 domate zemër kau
- 200 gr mish viçi i grirë
- 100 gr karota
- 80 gr presh
- 50 gr verë e bardhë
- 50 gr vaj ulliri ekstra i virgjër
- rigon i thatë
- kripë
- piper i zi
Udhëzimet
1
Lani domatet, hiquni pjesën e poshtme dhe me anë të një luge, zbrazini nga tuli i brendshëm. Tulin grijeni imët.
2
Qëroni karotat, pritini në shirita gjatësorë, e më pas në kubikë shumë të vegjël. Pastroni preshtë dhe pritini në feta të holla.
3
Merrni një tigan që nuk ngjit, ngrohni 30 gram vaj, shtoni preshtë dhe karotat. Kavardisini në zjarr të mesëm për 4-5 minuta, pastaj shtoni mishin e grirë dhe skuqeni për gati 3 minuta. Më pas shuajeni me verën e bardhë dhe lëreni të avullojë komplet.
4
Shtoni më tej tulin e grirë të domateve, ulni zjarrin dhe gatuajini për 5-6 minuta. Në fund aromatizojini me rigon, hidhni kripë, piper dhe fini sobën.
5
Sistemoni domatet gati për mbushje në një tavë, hidhuni pak kripë e vaj në brendësi. Më pas mbushini me masën e përgatitur dhe mbulojini me pjesët që ku kishit prerë.
6
Spërkatini përsëri me pak vaj dhe piqini në furrë të parangrohur në 200 gradë për 30 minuta.
Lini një koment