Vendoseni raftin e furrës në pozicionin e tretë lart dhe ndini grilën në nxehtësi të lartë. Shtroni një tavë pjekjeje me letër alumini.
Prisni pjesën e sipërme të kokës së hudhrave dhe spërkateni me një lugë ҫaji vaj ulliri, kripë dhe piper. Mbështilleni me letër alumini.
Shpojini patëllxhanët me pirun dhe së bashku me hudhrën në lerët alumini, vendosni në tavë për t’u pjekur në furrë. Piqini për rreth 30-35 minuta derisa patëllxhanët të jenë nxirë jashtë dhe zbutur brenda.
Lërini të ftohen për 10 minuta, pastaj hapini dhe hiqni tulin duke eleminuar lëkurën. Vendoseni në një kullesë që të kullojë për 30 minuta, duke e kthyer një herë pas 15 minutash.
Në një tas të madh, bëni bashkë patëllxhanet, hudhrën e pjekur dhe lëngun e limonit. Përdorni një pirun për të shtypur hudhrën dhe trazojeni derisa patëllxhani të jetë shpërbërë dhe të ketë marrë plotësisht lëngun e limonit. Shtoni tahinin, 1 lugë vaj ulliri, dhe grini hudhrën e papjekur. Trazojeni mirë dhe rregullojeni me kripë. Spërkateni me majdanoz, fara speci të kuq djegës dhe vaj ulliri.
Komento