Speca të mbushur me mish

Në një tigan skuqni qepën e grirë imët me pak vaj. Shtoni mishin e prerë në copa të vogla dhe tulin e domateve.

Shtoni një gotë ujë dhe prisni derisa të tretet domatja.

Më pas shtoni orizin, kripën, piperin dhe gjethet e nenexhikut të freskët.

Shtoni edhe dy gota ujë dhe e lini tiganin në zjarr për 10 minuta.

Pastroni specat duke i larë mirë, i hiqni kokën dhe farat.

I mbushni me masën që përgatitët dhe i vendosni në tepsi. Tepsisë i shtoni një gotë ujë në mënyrë që specat të mos ngjisin.

Tani e fusni në furrë për 35-40 minuta në temperaturë 180 gradë. Ju bëftë mirë!