Cheesecake delikat me krem limoni dhe djathë Philadelphia

Cheesecake është përfundimisht ëmbëlsira më e dashur e ditëve të nxehta: e freskët, e lehtë, nuk ka nevojë për pjekje në furrë dhe është perfekte për çdo moment të ditës. Përgatitja e saj është e thjeshtë, ndërsa rezultati mahnitës. Si? Ja receta e Chheesecake me limon e Philadelphia.

Përbërësit për bazën me biskota:

• 150 gram gjalpë
• 150 gram sheqer
• 50 gram miell 00
• 150 gram miell bajamesh (ose bajame të grira pluhur në mikser)
• pak kripë
• 150 gram për biskotën pas pjekjes

Për kemin e limonit

• 250 gram qumësht
• 4 të verdha vezësh
• 80 gram sheqer
• 1 fletë xhelatine

Për kremin e djathit

• 300 gram Philadelphia
• 200 gram pana e freskët
• 4 të verdha vezësh
• 2 fletë xhelatine
• 20 gram ujë

Përgatitja

• Punoni mirë gjalpin me sheqerin, pastaj shtoni miellin 00 dhe miellin e bajameve. Lëreni brumin të pushojë në frigorifer për disa orë pastaj hapeni në një tepsi ku keni shtruar letë furre dhe piqeni në furrë të parangrohur në 160 gradë për 20 minuta. Kur të ftohet grijeni dhe bashkojeni me 150 gram gjalpë për të krijuar bazën e cheesecake.
• Për kremin e limonit, ngrohni qumështin në 60 gradë dhe shtoni lëkurën e limonit. Lëreni të qëndrojë për të paktën 4 orë në mënyrë që të lëshojë gjithë aromën. Pastaj hiqni lëkurën e limonit dhe shtoni vezët që i keni rrahur me sheqerin. Ziejini në banjëmari derisa masa të trashet, hiqeni nga zjarri dhe shtoni xhelatinën të cilën e keni vendosur prarpakisht në ujë të ftohtë. Transferojeni masën në një enë të ftohet derisa të jetë  përftuar një masë konsistente xhelatinoze.
• Për kremin e djathit, fillimisht rrihni panën dhe vendoseni në frigorifer. Më pas rrihni vezët dhe ndërkohë në një tigan vendosni sheqerin dhe ujin. Kur të kenë arritur temperaturën 120 gradë shtojini tek vezët të cilat jeni duke i rrahur ndërkohë dhe në fund shtoni fletët e xhelatinës të zbutura në ujë. Transferojeni këtë masë në një enë dhe shtoni shtojini pak nga pak panën e rrahur si dhe Philadelphian.
• Në bazën e bisktotës hapni mirë shtresën e kremit të djathit dhe në fund vendosni kremin e limonit.