Muffin me qershi: Recetë perfekte për intolerantët ndaj laktozës

Përveçse të shijshme, qershitë janë një frut i pasur me benefite për shëndetin tonë. Të përdorura për të përgatitur muffin të ndryshme për  mëngjesin ose vaktin e zemrës të gjithë familjen, këto ëmbëlsira nuk parashikojnë gjalpin ose qumështin mes përbërësve duke e bërë një ëmbëlsirë perfekte për ata që janë intolerantë ndaj laktozës.

Përbërësit:

• 300 gr miell 00
• 120 gr sheqer
• 120 gr vaj luledielli
• 120 gr lëng frutash (sipas dëshirës)
• 3 vezë
• 1 bustinë maja pluhur
• Lëkura e grirë e gjysmë limoni
• 30 gr qershi

Përgatitja:

1. Ndani përgjysmë qershitë duke u hequr bërthamën. Thajini dhe kalojini në miell në mënyrë që të qëndrojnë në sipërfaqe e të mos humbasin në brumë gjatë pjekjes.
2. Grini lëkurën e limonit
3. Në një enë ose robot kuzhine, rrihni vezët me sheqerin.
4. Shtoni lëngun e frutave, vajin, lëngun e limonit dhe përziejini.
5. Më pas shtoni miellin dhe majanë dhe përziejini derisa të merrni një përbërje të butë dhe homogjene.
6. Hidhni nga një lugë nga brumi nëpër forma muffin dhe vendosni 3-4 qershi mbi secilën.
7. Piqini në 170 gradë për 20 minuta.
8. Sapo të ftohen, hiqini nga furra dhe spërkatini me sheqer pluhur