Sugjerojmë:
Një pjatë e parë vegjetariane, e lehtë dhe aromatike, kremi i perimeve është i shkëlqyer për t’u shijuar për drekë ose darkë, i ushqyeshëm dhe i shëndetshëm. Receta e kësaj supe me karota është e thjeshtë për t’u përgatitur. Curry e bën këtë pjatë të veçantë dhe unike. Është gjithashtu një pjatë e vlerësuar për mungesën e gjalpit dhe glutenit.
Lani dy qepët, pritini në feta dhe mbani mënjanë një lugë nga pjesa e bardhë. Qëroni 800 gr karota dhe pritini në feta. Vendosini në një tenxhere karotat bashkë me qepët dhe mbulojini me brodon e perimeve, vendosini në zjarr dhe ziejini në zjarr të ulët për 5 minuta.
Më pas shtoni dhe orizin dhe vazhdoni t’i zieni edhe për 20 minuta të tjera.
Lani fasulet fava dhe ziejini në ujë të vluar për pak minuta, më pas kullojini dhe hiquni cipën. Prisni imët qepën e hequr mënjanë dhe skuqeni në një tigan me pak vaj, 3-4 lugë ujë dhe pak kripë. Shtoni aty fasulet fava dhe gatuajini për 4-5 minuta me kapak.
Me një frulator, fruloni supën me karota e oriz, shtoni djathin grana, vajin e mbetur, jepini shije me curry dhe rulojini përsëri në mënyrë që të përfitoni një krem homogjen. Nëse doni, mund të përftoni një ose dy garuzhde brodo perimesh.
Piqni pak farat e susamit duke i kaluar në një tigan. Ndajeni kremin në pjata dhe dekorojeni me fasulet dhe susamin, pak piper dhe shërbejeni menjëherë./neps.al
Lini një koment