Sugjerojmë:
Edhe pak kohë i kemi portokajt në dispozicion, prandaj le të përfitojmë dhe me to të përgatisim këtë krem të lehtë, me shije portokalli, ideal pas vakteve tuaja ose për t’ua servirur mysafirëve.
Me një rrahëse vezësh ose mikser elektrik rrihni të verdhat e vezëve me sheqerin derisa të merrni një përbërje shkumoze.
Hidhini në një tenxhere dhe shtoni aty niseshtenë, lëkurën e portokallit, verën, lëngun e portokallit dhe 1 dl ujë. Vendoseni përzierjen në zjarr shumë të ulët dhe mos ndaloni së trazuari.
Nga momenti që përzierja fillon të trashet lëreni edhe përreth një minutë, gjithmonë duke trazuar që të mos nxjerrë flluska.
Kur kremi të jetë gati, hidheni në një tas dhe lëreni të ftohet, më pas vendoseni në frigorifer. Pak para servirjes, bashkojeni me panën e rrahur (jo të ëmbël) duke e përzier me lëvizje nga poshtë-lart.
Ndajeni kremin në katër enë dhe dekorojini me feta portokalli e biskota të thata.
Lini një koment