Patate të mbushura me vezë dhe djathë kaçkavall

Lani mirë patatet dhe i vendosni për të zierë në një tenxhere me ujë e kripë.

Sapo ta shihni me një pirun që janë zierë, i hiqni dhe i lini të ftohen pak.

I ndani përgjysmë dhe me ndihmën e një luge u hiqni tulin e brendshëm. Nëse dëshironi tulin e patateve mund ta përdorni në ndonjë recetë tjetër për qofte.

Do dalin gjithsej 4 gjysma patatesh. Tek secila vendosni pak gjalpë, thyeni 1 vezë, i shtoni pak kripë e piper.

Shtoni më pas djathin kaçkavall, pak majdanoz e kopër.

I radhisni patatet në një tavë ku keni shtruar më parë një letër kuzhine.

Tani i fusni në furrë për 20 minuta në temperaturë 200 gradë. Ju bëftë mirë!