Sugjerojmë:
Kush bie dakord për këtë? Nëse ende s'je i sigurt, hidhi një sy recetës, fillo nga puna për përgatitjet dhe kur t'i shijosh, do më kujtosh!
Lani mirë patëllxhanët. I hiqni kokën dhe bishtin.
I ndani përgjysmë, jo krejtësisht dhe i hiqni tulin e brendshëm.
Ndërkohë në një tenxhere zieni uthullën me kripën e zezë dhe piperin. Sapo të marrë valë shtoni patëllxhanët.
I lini 5 minuta dhe në fund i shtoni edhe tulin e patëllxhanëve të prerë kubik.
I hiqni nga zjarri pas 3-4 minutash.
Në po të njëjtën tenxhere përvëloni edhe specat për 5-7 minuta.
Pas kësaj i kulloni dhe i prisni në copa të vogla. I bashkoni në një enë me tulin e patëllxhanëve, i shtoni pak piper, rigon, hudhrat, pak kripë të trashë i përzieni.
Me këtë masë do të mbushni patëllxhanët që do t’i radhisni njëra pas tjetrës në një kavanoz qelqi. Vendosni edhe gjethet e dafinës.
Ngjesheni mirë në mënyrë që kavanozi të mbushet plot.
Në përfundim i shtoni: 1 lugë kafe kripë e zezë, ½ gotë uthull e pastër dhe ½ gotë me vaj ulliri. Mbylleni mirë enën me kapak dhe ruajeni në një vend të errët e të ftohtë.
Pas 2 javësh turshitë me patëllxhanë janë gati për t’u shijuar!
Lini një koment