E nisim me një rregull bazë: torta me ananas është një tortë ‘përmbys’. Si përgatitet? Ndiqni hap pas hapi këshillat tona, pasi në versionin vegan është shumë e thjeshtë për t’u përgatitur. Është gjithashtu shumë e lehtë sepse përgatitet pa qumësht shtazor, gjalpë ose vezë.
Përbërësit për tortën:
500 gr komposto ananasi në feta
100 ml nga lëngu i kompostos së ananasit
300 gr miell integral i tipit 00
80 gr sheqer kane
2 lugë kafeje sodë buke
1 lugë gjelle uthull molle
50 ml vaj ulliri e.v
240 ml qumësht bimor (soje, orizi, bajamesh, etj)
Kanellë
Sheqer pluhur
Përbërësit për kremin:
50 gr sheqer
40 gr niseshte
60 ml qumësht bimor
100 ml nga lëngu i kompostos së ananasit
Përgatitja:
Për kremin: Bashkoni lëngun e kompostos së ananasit me qumështin bimor dhe gjysmën e këtij lëngu hidheni në një tenxhere bashkë me sheqerin dhe niseshtenë. Përziejini më pas vendoseni tenxheren në zjarr të ëmbël derisa kremi të trashet dhe në fund shtoni gjysmën tjetër të lëngut dhe prisni derisa të trashet përsëri. Kremi është gati!
Për sa i përket tortës, merrni një formë pjekjeje për torta, spërkateni me sheqer e kanellë dhe vendosni një shtresë fetash ananasi. Në një tas të madh shtoni përbërësit e thatë dhe përziejini, shtoni sodën dhe uthullën e më pas përbërësit e lëngshëm: si fillim vajin, më pas lëngun e ananasit komposto e në fund qumështin. Hidheni përbërjen tek forma e tortës, mbi fetat e ananasit dhe piqeni në furrë të ngrohur në 180 gradë Celsius për gati gjysmë ore.
Pasi të jetë e vakët, kthejeni përmbys në pjatancën e servirjes. Shërbejeni duke e shoqëruar me kremin e ftohtë.
1️⃣ Përgatitja e brumit Në një tas, përzieni vezët me Nutellën derisa të krijohet një masë homogjene. Shtoni miellin, pluhurin pjekës dhe kripën, duke e përzier ngadalë derisa të lidhen të gjitha përbërësit. 2️⃣ Pjekja Hidheni brumin në një...
1️⃣ Përzierja e përbërësve Qëroni bananen dhe hiqni tulin e avokados. Vendosini në një tas ose në një blender të vogël. 2️⃣ Blenderimi Shtoni qumështin e gjirit ose formulën nëse dëshironi një teksturë më të butë. Përdorni një pirun...
1️⃣ Përzierja e përbërësve Vendosni të gjithë përbërësit në një blender të fuqishëm. 2️⃣ Blenderimi Përziejini për 1-2 minuta derisa të krijohet një masë kremoze dhe homogjene. 3️⃣ Shërbimi Hidheni në një gotë të madhe dhe shijojeni menjëherë! 🔹...
Lini një koment