Sugjerojmë:
E dimë sa shumë shijon ushqimi dhe sa e vështirë është të veçosh pjatën tënde të preferuar. Megjithatë, moderatorja Fjoralba Ponari nuk na e prishi qejfin kur i kërkuam të zgjidhte për ne pjatën që preferon më shumë.
Ndaj, pjata e radhës që do t’ju servirim sot në rubrikën #PjataVIP është Gnocchi alla sorrentina!
Me siguri ju shkoi goja lënga sapo e lexuat. Ehh, edhe ne! Edhe Fjoralbës që e ka të preferuar! Ndaj pa humbur kohë, ju tregojmë hapat që ta bëni vetë në shtëpi. Mos harroni të falënderoni Fjoralba Ponarin në përfundim!
HAPI 1:
Ngrohim një tenxhere me shumë ujë të kripur. Kur të vlojë shtojmë gnocchi-t dhe i trazojmë pak që të mos ngjiten në fund. E vëmë ujin të vlojë dhe e kullojmë shpejt, butësisht, kur gnocchi-t të dalin në sipërfaqe.
Gjithashtu ngrohim furrën në 200ºC.
HAPI 2:
Presim qepën dhe thelpinjtë e hudhrës. Ngrohim pak vaj ulliri në një tavë dhe kaurdisim qiqrat me pak kripë, për disa minuta. Shtojmë hudhrën dhe qepën, shtojmë domatet e prera dhe i përziejmë mirë. Shtojmë një majë piper të zi, kripë dhe borzilok sipas shijes.
E lëmë përbërjen për rreth 10 minuta në zjarr të ulët.
HAPI 3:
Shtojmë gnocchi-t, përziejmë dhe shtojmë gjysmën e mozzarella-s së prerë në kubikë të vegjël. Përziejmë mirë.
HAPI 4:
E transferojmë përbërjen në një enë pjekjeje të përshtatshme duke i shpërndarë të gjithë përbërësit në mënyrë të barabartë dhe e mbulojmë me një shtresë parmigiano të grirë. Pjesën tjetër të mozzarella-s e grijmë dhe e shpërndajmë sipër.
Shtojmë pak piper dhe e pjekim për 5-10 minuta.
Ju bëftë mirë! Mos harroni të na dërgoni foto nëse e gatuani vetë në shtëpi!
Komento