Përveçse në sallatë, lulelakra është një mrekulli edhe kur konsumohet në tavë me salcë beshamel sipër. Për detajet e përgatitjes hidhini një sy recetës....
Parangrohni furrën në 200 gradë celsius.
Në një tenxhere me ujë e kripë, vendosni për të zierë lulelakrën. Pas 7 minutash e hiqni, kullojeni dhe e lini mënjanë.
Në një tigan skuqni gjalpin. Shtoni më pas qepët e prera imët, miellin dhe hudhrat. I përzieni përreth 1 minutë.
Shtoni qumështin, arrëmyshk, kripë, piper. I përzieni mirë derisa masa fillon të trashet pak.
Merrni tavën dhe vendosni në të copat e lulelakrës. Sipër i shtoni masën që përgatitët.
Vendosni copat e pançetës, djathin çedar, parmixhano dhe pak majdanoz. I fusni në furrë për 20-25 minuta. Ju bëftë mirë!
Lini një koment