Sugjerojmë:

Supë me presh, salmon dhe mustardë

6 fileto salmoni të freskët pa lëkurë
1 qepë
2 presh – vetëm pjesa e bardhë e tyre
3 karrota
Lëngu i 1 limoni
1 tufë majdanoz
3 lugë gjalpë
400 ml pana për kuzhinë
300 ml lëng perimesh
2 lugë miell
2 lugë mustardë
Kripë, Piper

1.Filetot e salmonit i ndajmë në kubikë jo shumë të vegjël.
2.Preshët e pastruar, i presim në rrota të holla.
3.Karotat i qërojmë, i lajmë, i presim në rrota të holla dhe më pas i ziejmë në tenxhere me ujë të valuar derisa të zbuten.
4.Heqim karotat dhe ziejmë preshët për 5 minuta që nga momenti kur marrin valë.I kullojmë dhe i lëmë mënjanë.
5.Në një tigan, tretim 1 lugë gjalpë dhe skuqim qepën të grirë hollë, karotat, preshin dhe kubikët e salmonit.
6.I skuqim për 6-8 minuta duke i përzier vazhdimisht me lugë druri. Heqim tiganin nga zjarri dhe e lëmë mënjanë.
7.Në një tenxhere, shkrijmë 2 lugët e gjalpit që na kanë mbetur bashkë me miellin dhe kur ky i fundit të marrë ngjyrë, shtojmë lëngun e valuar të perimeve dhe e përziejmë vazhdimisht me rrahësin e vezëve me dorë që mielli të mos krijojë kokrriza.
8.Pas pak minutash, shtojmë panën dhe mustardën.E rregullojmë për kripë e piper.
9.Shtojmë këtu përzierjen me karrota e salmon që kemi në tigan, i përziejmë me lugë druri dhe pas 2 minutash e heqim tenxheren nga zjarri.
10.Shtojmë lëngun e limonit dhe supa është gati për t’ushërbyer.
11.Me copat jeshile të preshit, të prera hollë, dekorojmë pjatat.

Lini një koment