Sallatë me quinoa, 2 receta për t’u ndier në formë

Me ardhjen e verës të gjithë duam të ndihemi në formë, të mbajmë larg plakjen dhe të hamë në mënyrë të shëndetshme e të ekuilibruar. Besojini quinoa-s dhe përgatiteni në formë sallate. Më poshtë do të lexoni për dy receta të thjeshta, oreksndjellëse, të lehta dhe mbi të gjitha të thjeshta për t’u realizuar. Të përshtatshme për stinën e pranverës.

Sallata I

Përbërësit:

• 200 gr quinoa e kuqe
• 1 avokado
• 10 bishta karkalecash të mëdhenj
• 10 domate qershi
• Majdanoz
• Uthull balsamike

Përgatitja:

• Në një tenxhere hidhni një masë quinoa, 2 masa ujë, pak kripë dhe ziejini derisa quinoa të përthithë krejtësisht ujin.
• Prisni domatet më dysh dhe vendosini në një tigan me pak vaj ulliri e pak kripë. Kaurdisini pak dhe shtoni bishtat e karkalecave. Gatuajini për 3 minuta. Pasi t’i hiqni nga zjarri, hidhuni një sasi të bollshme majdanozi dhe mbulojini.
• Në një tas, bashkoni avokadon me pak vaj, kripë e pak aceton balsamike. Shtoni edhe quinoan e domatet me karkaleca.

Sallata II

Përbërësit:

• 150 gr quinoa
• 200 gr djathë tofu
• 4 lugë vaj ulliri
• 1 lugë kafeje curry
• 175 gr ullinj pa bërthamë
• 180 gr domate të thata
• 1 limon
• Kripë
• Piper i zi

Përgatitja:

Lani quinoan dhe hidheni në një tenxhere me ujë në raportin 1:2. Prisni të ziejë, lëreni për 10 minuta në zjarr mesatar, hiqeni nga soba dhe lëreni quinoan të fryhet derisa ta ketë absorbuar krejtësisht ujin. Më pas shpëlajeni me ujë të ftohtë duke e hedhur në një sitë të imët.

Prisni djathin tofu në kubikë dhe kaurdiseni në një tigan me një lugë vaj ulliri dhe curry.

Në një enë servirjeje, përzieni quinoan me tre lugë vaj ulliri, shtoni ullinjtë dhe domatet e thata të grira, djathin tofu, kripën dhe piperin. Sipas dëshirës suaj, shtoni edhe disa pika limon./neps.al