Rizotoja është një prej atyre pjatave perfekte për çdo rast. Sot do t’ju prezantojmë rizoton me karota, një recetë delikate, por në të njëjtën kohë shumë të shijshme. Ëmbëlsia e karotave theksohet nga shija e djathit të përdorur për kremozitetin e rizotos.
Si fillim vendosim brodon të nxehet. Qërojmë karotat dhe i presim në shirita. Presim dhe qepën e njomë në feta të holla. Në një tigan shkrijmë gjalpin, shtojmë qepën dhe karotat. Shtojmë një garuzhde brodo dhe e lëmë për 10 minuta duke i shtuar brodo sipas nevojës.
Më pas marrim një garuzhde nga perimet e skuqura dhe e shtojmë në mikser. Shtojmë gjithashtu edhe një garuzhde brodo për të formuar një krem.
Ndërkohë në tigan shtojmë orizin dhe e përziejmë me pjesën tjetër të perimeve. Pastaj shtojmë brodo gradualisht sipas nevojës. Ndërkohë i heqim koren djathit dhe e presim në kubikë.
Frulojmë në mikser perimet dhe brodon që kishim lënë mënjanë në enënë e mikserit. Kur rizotoja të jetë thuajse gati, shtojmë kremin, hedhim kripë dhe e përziejmë.
Pasi të jetë zier, e heqim nga zjarri, shtojmë kubikët e djathit dhe i përziejmë. E mbulojmë me një kapak dhe presim dy minuta. Më pas shtojmë trumëz, piper të zi dhe e shërbejmë rizoton ndërsa është ende e nxehtë.
Lini një koment