Panna cotta është një ëmbëlsirë e këndshme—e freskët, verore dhe që nuk të vel. Me origjinë nga Italia, kjo ëmbëlsirë është një kombinim i panas me përbërës të tjerë. Në këtë version, kjo ëmbëlsirë vjen e përgatitur me jogurt kremoz.
Shtoni 3 lugë gjelle ujë në një tas dhe hidhini aty xhelatinën pluhur. Përziejeni shpejt dhe lëreni mënjanë për 3-4 minuta derisa xhelatina të marrë formën e duhur.
Në një tas tjetër shtoni jogurtin dhe kosin grek duke i përzier mirë derisa të përftoni një masë të butë.
Hidhni sheqerin dhe qumështin në një tenxhere dhe vendosini në zjarr. Prisni derisa të ziejë, pastaj hiqeni nga nxehtësia. Shtoni aty xhelatinën e zbutur dhe përziejeni fort derisa të shkrihet dhe komplet masa të homogjenizohet.
Me kujdes integroni përzierjen e qumështit tek ajo me jogurt, shtoni vaniljen dhe kripën dhe përziejeni. Mbushni përgjysmë format, mbulojini me qese plastike dhe lërini për 4 orë në frigorifer ose gjithë natën.
Shërbejeni në enën e tyre ose kthejini format përmbys dhe shërbejeni në pjatë të shoqëruar me fruta të prera.
Lini një koment