Me siguri edhe juve ashtu si dhe mua ju ka ndodhur t’ju prishet qumështi pa e konsumuar akoma. Mbase keni harruar ta fusni në frigorifer ose keni harruar fare që e keni në kuzhinë, por kjo nuk ka rëndësi tashmë…
Mos u shqetësoni, nuk kemi pse ta hidhni në plehra qumështin e prishur sepse mund ta ktheni në një tjetër ushqim mjaft të përdorshëm gjithashtu në kuzhinë. Gjiza mund të prodhohet pikërisht nga qumështi i prishur dhe është një proces mjaft i thjeshtë.
1.Pasi të vini re se qumështi është prishur dhe ka filluar të trashet vëreni në zjarr të ziejë për disa minuta deri sa të fillojë të ndahet nga lëngu.
2. Nëse vonon të ndahet hidhini dy lugë kos dhe lereni akoma të zihet deri sa të ndahet hirra veçmas.
3. Pjesën e trashë merreni dhe kullojeni në një napë.
4.Lëreni të kullojë për disa orë deri sa hirra të jetë kulluar e gjitha dhe gjiza të jetë e thatë.
5.Më pas gjizën hidheni në një enë dhe shtoni kripë sipas dëshirës.
6.Tani keni gati gjizën që mund ta përdorni për çdo lloj gatimi dhe mund ta mbani në frigorifer për disa ditë.
Lini një koment