Tavë Me Qumësht
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
Kroketa të shëndetshme me patate dhe mish pule
Ingredientët
- 2 patate ( të ziera dhe të shtypura)
- 200 gram gjoks pule
- 1 lugë gjelle vaj ulliri
- 1 qepë e kuqe e grirë imët
- 1 lugë kafe xhinxher pluhur
- 1 lugë çaji fara kumini
- 2 vezë
- 2 lugë gjelle miell misri
- 100 gram bukë e grirë imët
- Vaj luledielli për skuqje
- pak kripë
Udhëzimet
1
Në një tigan me vaj ulliri skuqni qepën. Shtoni mishin e pulës të prerë në copa të vogla, xhinxherin, farat e kuminit, kripën.
2
I përzieni mirë dhe i lini në tigan të skuqen mirë. Ndani masën nga lëngu.
3
Tek masa me mishin e pulës, shtoni patatet e shtypura dhe i përzieni mirë me dorë.
4
Formoni me dorë disa toptha të vegjël ose forma të tjera sipas dëshirës.
5
Në një pjatë mbani miellin e misrit, në tjetrën vezët e rrahura dhe tek e fundit bukën e grirë.
6
I kaloni qoftet me radhë tek të tria pjatat. I lini për 30 minuta në frigorifer sa të forcohen.
7
Pas kësaj vendosini për t’i skuqur në një tigan me vaj të nxehtë. Shërbejini të ngrohta dhe shijojini!
Lini një koment