Paçe e Dibrës, si nga dora e gjyshes
Miellin e misrit e skuqim me gjalpë derisa të marrë ngjyrë kafe të çelur, më pas e shuajmë me lëng mishi dhe e përziejmë që të mos krijohen kokrriza. E lemë të ziejë për 10-15 minuta duke përgatitur një...
Krem karamel me kardamom
Krem karameli zë një vend të rëndësishëm në menunë e ëmbëlsirave për shkak se është ekonomik, i thjeshtë në përgatitje dhe mbi të gjitha shumë i shijshëm. Nëse papritur ndjeni dëshirën për një ëmbëlsirë, filloni të rendisni përbërësit:
Ingredientët
- 2.5 dl qumësht i plotë në yndyra
- 4 vezë
- 2 të verdha vezësh
- 260 gr sheqer
- 4 dl qumësht kokosi
- Gjysmë lugë kafeje kardamom pluhur
Udhëzimet
1
Hidhni 150 gr sheqer dhe dy lugë gjelle ujë në një tenxhere me fund të trashë dhe përziejini derisa sheqeri të ketë shkrirë. Lëreni në nxehtësi mesatare pa e trazuar dhe kur të jetë formuar një karamele me ngjyrë të verdhë, hidheni në 6 forma.
2
Përzieni 2 llojet e qumështit dhe vendosini të ziejnë me gjysmë luge kafeje kardamom. Në një tas rrihni 4 vezë, 2 të verdhat dhe 110 gr sheqer derisa të merrni një përzierje shkumoze. Hidhni ngadalë qumështin tek vezët duke i përzier shpejt dhe më pas mbushni format ketë krem.
3
Sistemoni format e mbushura me krem karamel në një tavë dhe shtoni ujë të ngrohtë në mënyrë që të mbulojë format në 1/3-ën. Vendosini në furrë në ngrohur në 180 gradë dhe piqini për 40 minuta. Hiqini më pas nga furra dhe kur të jenë në temperaturën e ambientit futini në frigorifer. Hiqini nga format dhe shërbejini.
4
*Kardamomi është një erëz aziatike me një aromë të fortë që u jep ëmbëlsirave një shije karakteristike. E gjeni dhe në vendin tonë në formë pluhuri ose farash.
Lini një koment