Tavë Me Qumësht
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
Krem karamel
Kremi karamel është një ëmbëlsirë mjaft praktike për tu përgatitur dhe gostitur veten dhe të afërmit tuaj. Mësoni si ta realizoni duke i kushtuar vëmendje recetës më poshtë.
Ingredientët
- 600 ml qumësht
- 4 kokrra vezë
- 60 gr sheqer
- 1 majë luge kripë
- pak ekstrakt vanilje
- 150 gram sheqer (për karamelin)
- 1/2 gotë me ujë
Udhëzimet
1
Fillimisht në një tigan vendosim 6 lugë gjelle sheqer, 3 lugë gjelle ujë dhe e lëmë sheqerin të shkrijë e më pas të kthehet në karamel. Pasi të përfitojmë ngjyrën e karamelit e ndajmë atë në 4 tasa.
2
Vendosim qumështin në tenxhere dhe e lëmë të marrë valë. Më pas e largojmë nga zjarri dhe i vendosim kapak.
3
Në një blender vendosim 4 kokrra vezë të bardha dhe të verdha (pra të plota), 60 gr sheqer, një majë kripë, 1 lugë çaji ekstrakt vanilje, i përziejmë mirë.
4
Shtojmë qumështin e nxehtë dhe vazhdojmë përzierjen me tel dore. Më pas kalojmë përzierjen vezë , qumësht në sitë.
5
Vendosim tasat në një tepsi dhe i mbushim ato me kremin e përgatitur.
6
Më pas mbushim ½ e tepsisë me ujë të valuar dhe e vendosim atë në furrë në temperaturën 160ºC për 45 minuta.
7
I lëmë të qetësohen për 15 minuta e më pas i vendosim në frigorifer për 4 orë që të ftohen. Para se ta servirim, me majën e thikës i shkëputim anët e tasit nga kremi duke i kthyer përmbys në një pjatë ku karameli i vendosur në fund të tasit, mbulon komplet kremin e karamelit.
Lini një koment