Eshtë koha e tyre! Si të gatuani një pjatë të mirë me midhje
Përgjatë verës, midhjet kanë sezonin e tyre. Çmimi i tyre nis nga 200 lek të vjetra e deri në 300 lek. Kanë një shije fantastike, vlera ushqimore të larta dhe teknika e përgatitjes nuk do shumë mend.
Neps.al ju rendit më poshtë disa hapa të thjeshtë sesi t’i qëroni, pastroni dhe shijoni ato ashtu siç duhet.
Si fillim 1 kg midhje do e lini në një tas të madh me ujë të rrjedhshëm të ftohtë. Pastroni sa të mundeni me ndihmën e një thike, guackën e tyre për të larguar papastërtitë.
Midhjet që janë të thyera duhet t’i shmangni, sikurse edhe ato të hapura.
Largoni atë fitilin e vogël që kanë
Më pas në një tenxhere skuqni 15 gramë gjalpë, qepën e grirë imët dhe 2 qepët e njoma.
I lini 10-12 minuta derisa qepa të zbutet. Shtoni 2 thelpi hudhra të shtypura, 100 ml verë të bardhë dhe 100 ml ujë. I përzieni mirë.
Pas 5 minutash shtoni midhjet dhe i përzieni të gjitha bashkë. Në momentin që guacka u është hapur të gjithë midhjeve do të thotë që ato janë gati. Pas 5 minutash i hiqni nga zjarri dhe i kaloni në një enë.
Sipas dëshirës mund t’i shoqëroni me një patate të skuqura.
Çfarë duhet të bëni për të normalizuar organizmin pas një nate ku e keni tejkaluar me ushqim, ëmbëlsira dhe alkool? Më poshtë keni listën e ushqimeve që do t’ju ndihmojnë të normalizoni dhe pastroni organizmin, në një dietë Detox....
Gjatë periudhës së shtatzanisë, të gjitha bëhemi shumë më të ndërgjegjshme për mënyrën tonë të të ushqyerit, se çfarë duhet të hamë e çfarë jo. Megjithatë, jo gjithmonë është e lehtë t’i kategorizosh ushqimet dhe pijet në çfarë DUHET...
Për të evituar infenksionet në veshka është ideale të konsumoni ushqime të shëndetshme që sigurojnë një larmi vitaminash, mineralesh dhe antioksidantësh që sigurojnë pastrimin e veshkave por që kanë sasi të vogla kaliumi dhe fosfori. Ushqimet që përmbajnë antioksidantë mund të...
Lini një koment