Ekonomike dhe shumë të shijshme! Kjo është receta e qepëve të mbushura

Qëroni qepët dhe ziejini për 10 minuta në ujë me kripë. Kullojini dhe lërini të ftohen.

I prisni përgjysmë për së gjati, hiquni pjesën qendrore dhe lërini mënjanë.

Fusni arrat në ujë valë për 1 minutë, kullojini dhe hiquni cipën.

Në mikser përzieni pjesën e brendshme të qepëve, sallamin e prerë në copa, arrat e qëruara nga cipa, djathin, vezën, pak kripë dhe gjysmën e galetës.

Me këtë mbushje që përgatitët, mbushni gjysmat e qepëve dhe vendosini në një tepsi ku keni shtruar letër furre të cilën e keni lagur dhe shtrydhur më parë.

Spërkatini qepët e mbushura me galetën e mbetur dhe vendosini sipër disa copëza gjalpi.

Shtoni 1/2 gotë ujë në tepsi dhe piqini në furrë në 180 gradë për 40 minuta.