Mëngjes Krishtlindje: Bukë me kajsi të thata dhe arra

Meqë është festë dhe kemi një çikë më shumë kohë, le të përgatisim diçka të shijshme për familjen!

Përbërësit:

• 500 gr miell
• 200 gr kajsi të thata
• 1 dl qumësht
• 15 gr maja birre
• 50 gr thelpinj arrash
• 1 lugë mjaltë akacesh
• 1 e verdhë veze
• vaj ulliri
• kripë e piper

Përgatitja:

• Përzjeni dy lugë qumësht me të verdhën e vezës. Vakni qumështin e mbetur dhe shkrini në të majanë e birrës. Hidhni miellin në një tas, shtoni qumështin me majanë, vajin, 1 dl ujë të vakët, një lugë mjaltë akacesh dhe zini brumin.
• Shtoni kajsitë e thata të prera në kubikë, thelpinjtë  e grirë të arrave, pak kripë e piper dhe punoni brumin për 7-8 minuta. Vendoseni në një enë, bëjini një kryq me majën e thikës, mbulojeni me qese kuzhine dhe lëreni të vijë për 2 orë.
• Më pas, ndani brumin në dy pjesë. Formoni dy cilindraa të gjatë gati 40 cm, rrotullojini si karamele tek anët dhe transferojini në dy tava drejtkëndore me kapacitet 450 gr ku keni shtruar letë furre.
• Mbulojini me letër alumini dhe lërini të vijnë edhe për 40 minuta. Piqini bukët në 200 gradë për 45 minuta, hiqini nga tepsitë dhe lërini të ftohen në skarën e sobës.
• Buka e ëmbël me fruta të thata është e shkëlqyer për një mëngjes të shëndetshëm dhe të shijshëm. E ëmbëlsuar me mjaltë dhe e shoqëruar me gjalpë, është perfekte për dimrin dhe për periudhën e Krishtlindjeve, e shoqëruar me djathë.