Biskota vegane me kakao dhe kokos

Kemi folur shpesh për kuzhinën vegane dhe se si t’i zëvendësojmë produktet me origjinë shtazore me ato me origjinë bimore: sot do t’ju tregojmë recetën për biskota vegane me kakao për t’i personalizuar në mënyrën e preferuar, me copëza çokollate ose copëza bajamesh.

Përgatitja e këtij brumi vegan me pak miell kokosi do t’i dhurojë brumit një shije ekzotike të vendosur.

Përbërësit:

• 220 gr miell
• 80 gr miell kokosi
• 150 gr gjalpë bimor
• 120 gr sheqer
• ½ bustine maja
• 20 gr kakao
• 20 gr arra të grira

Përgatitja:

1. Lëreni gjalpin të zbutet në temperaturën e ambientit derisa të jetë i punueshëm.
2. Në një tas hidhni dy llojet e miellit, sheqerin, majanë dhe shtoni gjalpin. Punojeni me kujdes brumin derisa të jetë i qëndrueshëm dhe lëreni në frigorifer për të paktën gjysmë ore.
3. Pasi ta keni hequr nga frigoriferi ndajeni në tre pjesë. Tek njëra pjesë shtoni kakao, tek tjetra arra të grira, kurse të tretën lëreni siç është.
4. Më pas, spërkatni planin e punës me pak miell dhe prisni format e preferuara të biskotave.
5. Piqini në furrë të parangrohur në 180 gradë për 15 minuta.