Biskota me kokos. Receta e shpejtë që përgatitet vetëm me 3 përbërës

Kokosi është frut i verës, prandaj pse të mos përfitojmë për të përgatitur një vakt të shijshëm për t’u shijuar në çdo moment të ditës? Duhen vetëm tre përbërës për të realizuar biskota të shijshme, gati në 8 minuta. Le të shohim së bashku si përgatiten:

Përbërësit:

120 gr pluhur kokosi

100 gr sheqer

2 të bardha vezësh

50 gr pluhur kokosi për mbështjelljen e jashtme

Përgatitja:

Në një tas ose robot kuzhine përzieni të tre përbërësit derisa të merrni një përbërje homogjene.

Me ndihmën e dy lugëve, ose një luge të posaçme sferike, formoni toptha dhe më pas kalojini në pluhurin e kokosit.

Ndizni furrën në 200 gradë dhe vendosni të piqen biskotat të cilat i keni vënë njëra pranë tjetrës në një tavë ku keni shtruar letër furri.

Si t’i bëni më të shijshme?

Mbulojini me çokollatë të shkrirë në banjëmari.

Në vend që t’i kaloni në pluhur kokosi mund t’i kaloni në kakao.

Në brendësi të tyre mund të vendosni nga një bajame pasi ta keni pjekur lehtë.

Mund t’i kaloni ato edhe në sheqer me ngjyra menjëherë pasi i keni hequr nga furra.