Ëmbëlsira të shpejta me mango

Një ëmbëlsirë ekzotike, me aromën e vendosur të shafranit që i jep ngjyrën karakteristike, perfekte për t’u shërbyer në periudhën e të nxehtit veror. Kjo ëmbëlsirë me mango është gati në gjysmë ore, shërbehet e ftohtë dhe mund të ruhet edhe në ngrirje.

Përbërësit:

• 1 bustinë shafran Indie
• 300 gr qumësht i kondensuar
• 50 ml pana e freskët

Përgatitja:

• Përgatisni kremin. Shtoni gjysmën e panës në një tenxhere, ngroheni në zjarr, shtoni bustinën me shafran dhe përziejini mirë. Fikni zjarrin, lëreni të vaket për pak dhe shtoni 300 gr qumësht të kondensuar.
• Përgatisni purenë e mangos. Lani një mango rreth 300 gr, qërojeni, hiqini bërthamën, pritini tulin në copa, frulojeni me një mikser derisa të përftoni një pure kremoze dhe homogjene.
• Kompletojeni dhe shërbejeni. Bashkoni pureën e mangos me përzierjen e panës me qumësht të kondensuar, përziejeni mirë përbërjen me një lugë druri, transferojeni nëpër gota dhe vendoseni në frigorifer.
• Lërini në ngrirje ëmbëlsirat për të paktën 8 orë, hiqini nga frigoriferi 10 minuta para se t’i shërbeni dhe dekorojini sipas dëshirës me copa të freskëta mangoje.