Biskota me tulin që mbetet nga shtrydhja e frutave

Me fuqi pastruese, detoksifikuese dhe të pasura me shumë vlera, lëngjet e shtrydhura të frutave janë ideale sidomos gjatë verës, për të qenë në formë pa hequr dorë nga shija.

Por si thoni ta përdorni edhe për të përgatitur biskota ekologjike me fruta? Le të shohim hap pas hapi si përgatiten:

Përbërësit:

• 200 gr tul frutash miks ( që kanë mbetur nga shtrydhja e frutave)
• 300 gr miell gjysmëintegral
• 2 lugë sheqer kane
• 4 lugë mjaltë
• 3 lugë vaj
• Pak kripë

Përgatitja:

1. Përgatisni një lëng frutash miks (p.sh mollë, kivi, portokall, luleshtrydhe dhe pak xhinxher) e më pas ruajuni tulin: nëse nuk doni ta përdorni menjëherë, mund ta ruani në ngrirje.
2. Përzieni tulin e frutave me përbërësit e tjerë, përveç sheqerit të kanës.
3. Krijoni një brumë të butë dhe homogjen me duar dhe me duar formoni topa të vegjël, më pas shtypini pak dhe vendosini në një tepsi të shtruar me letër furre.
4. Spërkatini me sheqerin e kanës dhe piqini për 25 minuta në 160 gradë.
5. Mund t’i ruani deri në një javë në një tas qelqi të mbyllur hermetikisht.