Tani është pranverë dhe nëpër kopshte gjen barishte të egra me vlera të mëdha për shëndetin si hithrat, mentet, asparagët e egër, trumza, lisna etj. Pse të mos i shfrytëzojmë ato në një pjatë si kjo me oriz dhe barishte?
Grini të gjitha barishtet (hithrat, menten, manxuranën, trumzën) dhe pritni fundet e asparagëve. Skuqni hithrat për pak sekonda në vaj të nxehtë, kullojini dhe më pas kalojini në akull të grimcuar për t’u bërë krokante dhe për të mos u qullur.
Skuqni gjysmë qepe të grirë dhe shtoni orizin. Shuajeni me një gotë vere të bardhë dhe më pas shtoni një garuzhde brodo. Ziejeni për 20 minuta duke shtuar brodo herë pas here.
Hiqeni nga zjarri, shtoni bimët e grira dhe majat e asaparagëve, pak vaj ulliri dhe 100 gr djathë grana të grirë. Servireni nëpër pjata dhe shtoni në qendër të secilës hithrat kroaknte.
Lini një koment