Fole dallëndyshesh, receta e veçantë që i “rrëmbyem” kuzhinës së Rezit!

D’artes by Rezi është një tjetër blogere ushqimi që po spikat me pjatat e shijshme dhe fotot e kuruara deri në detaj. Shumica prej gjërave që ajo gatuan janë me natyrë tradicionale, por mënyra e veçantë në servirje dhe finesa që bie në sy, të ftojnë menjëherë që t’i gatuash edhe ti nga shtëpia këto receta praktike.

Sot, ne i “rrëmbyem” Rezit një recetë tepër të veçantë që duhet “Fole Dallëndyshesh”.

Jeni kuriozë të dini sesi përgatitet?

Atëherë si fillim ju duhen këto përbërës:

• ½ e petës sfoliatë (e gatshme)
• Mortadella e ndarë në feta të holla rrumbullake
• Djathë gouda e butë (e prerë në katrorë)
• Kërpudha të prera në copa të vogla
• Salcë Beshamel

Udhëzime mbi përgatitjen: 

• Petën sfoliatë e ndani përgjysmë dhe e hapni me dorë sa të mundeni.
• Sipërfaqen e saj e spërkasni me disa lugë beshamel. Për recetën e salcës beshamel mund të klikoni këtu.
• Shtroni me radhë fetat mortadellës, sipër tyre fetat e djathit gouda, më pas kërpudhat dhe disa lugë beshamel (Sasia e përbërësve varet edhe numri i personave).
• E mblidhni role petën e mbushur, duke mbyllur fillimisht anët në mënyrë që të mos dalë mbushja.
• Rolenë e prisni më kujdes në feta me trashësi 5 cm.
• I vendosni në një tavë ku keni shtruar më parë një letër kuzhine.
• Sipër i  shtoni përsëri beshamel dhe i fusni në furrë të piqen në temperaturë 200 gradë për 15 minuta.
• Ju bëftë mirë!

Foto dhe receta, marrë nga faqja zyrtare në Instagram e 𝓓’𝓪𝓻𝓽𝓮𝓼 𝓫𝔂 𝓡𝓮𝔃𝓲