Beshameli: Recetë në versionin vegan dhe pa gluten

Beshameli është një salcë e dashur me shije delikate e përdorur për t’u dhënë shije pjatave të para e të dyta. Me origjinë franceze, shumë e përdorur tek lazanjat, kjo salcë mund të përgatitet me lehtësi edhe në shtëpi: le të shohim së bashku hap pas pas hapi se si përgatitet ajo në versionin vegan dhe atë pa gluten.

1. Beshamel në versionin vegan

Beshameli në versioin vegan nuk parashikon përdorimin e qumështit dhe të gjalpit, prandaj në këtë version zëvendësohen me qumësht orizi dhe vaj ulliri ekstra të virgjër.

Përbërësit:

• 1 l qumësht orizi
• 100 gr miell
• 100 ml vaj ulliri e.v
• Pak arrë moskat
• Kripë e piper

Përgatitja:

Vendosni qumështin të ziejë në një tenxhere dhe sapo të marrë valë, fikni sobën. Në një tenxhere tjetër përzieni miellin dhe vajin e ftohtë dhe vendosini në zjarr: sapo mielli të filloj të marrë ngjyrë shtoni qumështin gradualisht. Shtoni kripën, arrën moskat e piper sipas dëshirës, fikni sobën dhe përdoreni beshamelin në recetat tuaja të preferuara.

2. Beshamel pa gluten

Beshameli pa gluten nuk e parashikon përdorimin e miellit. Nëse përdorni miell orizi në recetën vegane mund të keni një salcë të përshtatshme për të gjithë:vegane e pa gluten.

Përbërësit

• 100 gr miell orizi
• 1 l qumësht i freksët
• 100 gr gjalpë
• Pak kripë
• Arrë moskat

Përgatitja:

Nxehni qumështin në një tenxhere

Shkrini gjalpin në një tenxhere tjetër dhe shtoni më pas miellin e orizit. Përziejini disa minuta dhe më pas shtoni qumështin e ngrohtë. Lëreni për dy minuta dhe përziejeni vazhdimisht. Shtoni më pas edhe kripën e arrën moskat.

Nëse salca del shumë e trashë, shtojini edhe pak qumësht.