Tavë Me Qumësht
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
Pulë me kos dhe hudhra. Receta nga Zonja Vjollca
Sa shumë amvisa mbarojnë pas kësaj recete! Epo ja tek e keni tani, s'ka kohë për justifikime. Shko në kuzhinë dhe nis nga puna menjëherë!
Ingredientët
- 800 gram mish pule
- 500 ml ujë
- 4-5 lugë gjelle miell
- 4 vezë
- 1 kg kos
- 6 thelpinj hudhra
- Kripë dhe piper i zi
- 3 lugë gjelle gjalpë
- 2 lugë gjelle vaj
- 1 lugë kafe piper i kuq
Udhëzimet
1
Lajmë mishin e pulës. Me një lugë gjelle vaj ulliri dhe një lugë gjelle gjalpë kaurdisim copat e pulës të zverdhen pak.
2
Shtojmë 500 ml ujë të valuar dhe i lëmë të ziejnë për 20 minuta. Më pas largojmë copat e mishit dhe i vendosim në një tepsi.
3
Në një tenxhere tjetër kaurdisim miellin në yndyrën e mbetur, pa i dhënë ngjyrë shtojmë lëngun e mishit duke e përzierë vazhdimisht derisa të marrë valë.
4
E largojmë tenxheren dhe shtojmë në të pak nga pak gradualisht kosin duke e përzierë me tel dore.
5
Grijmë hudhrat shumë imët dhe i shtojmë në kos. Rrahim vezët me pak kripë dhe piper dhe i shtojmë tek tasi me kos dhe miell.
6
Shtojmë kosin mbi thelat e mishit në tepsi. Shkrijmë një lugë gjalpë në pak piper të kuq dhe spërkasim sipërfaqen e tavës me gjalpin me piper.
7
Vendosim tavën në furrë, në temperaturë 180 gradë Celsius, për 25 minuta.
Lini një koment