1.Në një tas vendosim qumështin e vakët dhe shtojmë në të majanë e thatë, gjalpë ambienti, një kokërr vezë. I përziejmë mirë me një tel dhe shtojmë miellin duke e trazuar mirë me një lugë druri, shtojmë kripën dhe e mbulojmë për 20 minuta.
2Ndërkohë në një tas të vogël vendosim gjalpin në temperaturë ambienti, kripë, dy thelpinj hudhra të grira, majdanozin të grirë shumë imët, një lugë vaj, piperin e kuq, i përziejmë me një pirun dhe e lëmë mënjanë. Djathin e grijmë në rende nga pjesa më e trashë.
3.Në tavolinën e punës spërkasim pak miell dhe vendosim brumin duke i mbledhur anët lehtë me majën e gishtave pasi brumi është shumë i butë.
4.Vendosim një lugë gjelle vaj në pëllëmbën e dorës dhe i lyejmë mirë të dyja pëllëmbët me vaj dhe hapim me duar brumin në formën e një drejtkëndori me trashësi pete 2-3 milimetra.
5.Pasi e keni hapur petën mbusheni me masën e përgatitur. E palosni përgjysmë dhe i shtoni më pas djathin e grirë imët.
6.Më pas e palosni sërish duke e bërë role. E prisni në copa të vogla dhe i radhisni njëra pas tjetrës në një tepsi të vogël rrumbullake.
7.E fusni në furrë për 35 minuta ose derisa të piqet në temperaturë 180 gradë. Ju bëftë mirë!
Lini një koment