Si të bëni pasta të shijshme në shtëpi pa nevojën e asnjë makinerie
Të bësh pasta të shijshme në shtëpi, nuk është gjëja më e vështirë në botë, më besoni. Gjeje çfarë? Është shumë e thjeshtë dhe nuk kërkon makineri të kushtueshme.
E gjithë baza është tek cilësia e mirë e miellit që duhet të përdorni.
Atëherë fillojmë nga puna?
Për dy persona nevojiten:
1 ½ gotë me miell
2 vezë të mëdha
2 lugë gjelle vaj ulliri
½ lugë çaji me kripë
Udhëzime mbi përgatitjen:
Në tavolinën e punës shtroni miellin dhe në mes krijoni një hapsirë.
Shtoni vezët, kripën dhe vajin e ullirit. Përdorni fillimisht një pirun për të bashkuar vezët me pjesën tjetër të miellit dhe pastaj filloni punojeni masën me duar.
Brumi duhet të jetë elastik. Përdorni pak më shumë miell nëse është nevoja, që brumi të mos ngjisë në tavolinën e punës.
Ndajeni brumin në dy pjesë dhe përdorni një petëz për t’i tërholluar. Kujdes, peta nuk duhet të çahet. Nëse kjo ndodh, mblidheni përsëri brumin dhe hapeni sërish me një petëz.
Merrni një thikë dhe filloni t’i ndani në shirita të hollë.
Pas kësaj i vendosni për t’i zierë në një tenxhere me ujë e kripë (ku uji zien).
Pasi të kenë zierë i shërbeni të ngrohta, me salcën tuaj të preferuar.
Në një tenxhere hedhim ujë dhe sapo të marrë valë shtojmë kripën dhe makaronat. Në një tigan me pak vaj ulliri vendosim 2 thelpinj hudhër dhe pak majdanoz që të aromatizohet vaji sa më mirë. Shtojmë më pas frutat...
•Përveç gjalpit përbërësit e tjerë i bashkojmë në një tas dhe pastaj i hedhim në një tepsi ku lyejmë pastaj petët një e nga një. •Shtroni petë, hidhni gjalpin dhe mos i shtypni me presion petët. •Pjekja të bëhet...
•Pastroni gjethet e rrushit dhe vendosi në ujë të vluar derisa të ndryshojnë ngjyrë. •Shpërlajini me ujë të ftohtë dhe lërini të kullojnë, qe t’i keni gati për të mbështjellë japrakët. •Në fillim kaurdisni me vaj ulliri qepët dhe...
Lini një koment