6 përdorime fantastike të sodës së bukës që shumë pak i dinë

Soda e bukës mund t’ju japë një dorë në shumë situata dhe me siguri ju as që ju kishte shkuar mendja më parë.

Ja disa prej tyre:
Soda ju ndihmon të çliroheni nga këmbët e fryra

Në një tenxhere me ujë që zien shtoni 2 lugë gjelle sodë buke. E hiqni nga zjarri dhe me ndihmën e një pecete bëni kompresa tek këmbët. Vishni çorapet dhe e lini të veprojë gjatë gjithë natës. Në mëngjes do të shikoni që këmbët e ënjtura do të kenë një pamje tjetër.

Soda shërben si një skrab për fytyrën

Soda ka vetinë të neutralizojë pH e lëkurës dhe zbeh yndyrën e lëkurës. Si rrjedhojë edhe pikat e zeza do të eliminohen. Mjafton të bashkoni një lugë gjelle sodë buke, me një lugë gjelle ujë. Pasi keni formuar një pastë aplikojeni tek zona ku keni pikat e zeza. Duhet ta lini vetëm një minutë dhe më pas e shpëlani fytyrën me ujë të ngrohtë.

Ruan ngjyrën e perimeve

Nëse doni që brokoli të ruajë ngjyrën jeshile edhe gjatë zierjes, atëherë shtoni një lugë gjelle sodë buke, në tenxheren me ujë të vluar.

Largon njollat e shkumësit nga dërrasa e zezë

Për këtë thjesht lagni një sfungjer në ujë me sodë dhe do të shikoni sesi tabela do të shkëlqejë nga pastërtia, a thua se nuk është përdorur kurrë më parë.

Largon pesticidet nga perimet dhe frutat

Për këtë nevojitet që në një tas të madh me ujë, të shtoni një lugë gjelle sodë buke dhe t’i lini frutat ose perimet aty për 15-20 minuta.

Një banjo relaksuese

Pas një ditë të lodhshme, soda e bukës mund të relaksojë dhimbjen e muskujve. Në vaskën tuaj me ujë të ngrohtë shtoni gjysmën e pakos së sodës. Pasi të shkumëzojë mund të qendroni në vaskë për 15-20 minuta.

Do ta shikoni që do të relaksoheni dhe lëkura juaj do të zbutet goxha./neps.al