Veza është një nga ushqimet më të shëndetshme për njeriun. Vezët ofrojnë rreth 6 gramë proteinë të një cilësie të lartë.
Proteinat konsiderohen si një nga ushqyesit më përmbushës për shëndetin e njeriut dhe gjysma e sasisë së proteinave gjendet tek e verdha e vezës.
Prandaj ka disa arsye pse duhet të konsumoni më shumë vezë:
1.Vezët frenojnë urinë
Një mëngjes i pasur me vezë e mban nën fre urinë për kohë më të gjatë se ushqimet e tjera me bazë drithi. Disa studime thonë se njerëzit që hanë vezë në mëngjes ndihen më të ngopur dhe hanë më pak në drekë.
2.Vezët mbrojnë shëndetin e syve
Vezët janë të pasura me luteinë, një pigment që është kryesisht i përqendruar tek retina e syrit. Luteina i mbron sytë nga dëmtime të ndryshme si pasojë e plakjes, por edhe nga dëmet e dritës blu që emetohet nga celularët, tabletët dhe laptopët.
Ky lloj ndriçimi besohet të jetë kontribues në shfaqjen e kancerit, mbipeshës dhe sëmundjes së syve.
3.Vezët nuk bllokojnë enët e gjakut
Për vite me rradhë, vezët janë akuzuar për dëmtime ndaj shëndetit sepse vezët besohej të rrisnin nivelin e kolesterolit dhe bashkë me të, rrezikun e sëmundjeve të zemrës.
Tani, shkencëtarët besojnë se vezët nuk janë të rrezikshme për enët e gjakut dhe nuk i bllokojnë ato.
4.Mbrojnë masën muskulare
Njeriu nis të humbë masë muskulare që pas moshës 30 vjecare. Masa muskulare nis të bjerë me 5 përqind për çdo dhjetë vjet.
Humbja e saj e bën njeriun të ndihet i plogësht dhe rrit shanset e frakturave. Aktiviteti fizik, veçanërisht ai i fokusuar tek forca dhe qëndresa ju ndihmojnë të ruani masën muskulare.
Vezët dhe proteina që ato ofrojnë ushqejnë muskujt pas stërvitjes dhe i mbrojnë ato.
Çfarë duhet të bëni për të normalizuar organizmin pas një nate ku e keni tejkaluar me ushqim, ëmbëlsira dhe alkool? Më poshtë keni listën e ushqimeve që do t’ju ndihmojnë të normalizoni dhe pastroni organizmin, në një dietë Detox....
Gjatë periudhës së shtatzanisë, të gjitha bëhemi shumë më të ndërgjegjshme për mënyrën tonë të të ushqyerit, se çfarë duhet të hamë e çfarë jo. Megjithatë, jo gjithmonë është e lehtë t’i kategorizosh ushqimet dhe pijet në çfarë DUHET...
Për të evituar infenksionet në veshka është ideale të konsumoni ushqime të shëndetshme që sigurojnë një larmi vitaminash, mineralesh dhe antioksidantësh që sigurojnë pastrimin e veshkave por që kanë sasi të vogla kaliumi dhe fosfori. Ushqimet që përmbajnë antioksidantë mund të...
Lini një koment