Nga neps. al 26 Prill, 2021 Lexoje për 2 minuta

Tavë me qepë të karamelizuara dhe djathë mozzarella. Gati për ta provuar?

10 lugë gjelle gjalpë pa kripë

2 qepë të vogla të prera në rrathë të vegjël

2 thelpi hudhra të grimcuara

2 degë trumzë të copëtuara imët

1 gjethe dafine

1 pako makarona, modeli sipas dëshirës

¼ filxhan me verë të bardhë

½ filxhan me miell

4 filxhanë me qumësht

3 filxhanë me djathë mozzarella të grirë imët

2 filxhanë me djathë çedar të grirë imët

1 koncentrat pule

1.Në një tigan me nxehtësi mesatare, skuqni 2 lugë gjelle gjalpë. Shtoni qepët, hudhrat, trumzën, gjethen e dafinës dhe i përzieni mirë derisa qepët të karamelizohen. Ky proces mund t’ju marrë deri në 30 minuta kohë.
2.Shtoni edhe koncentratin e pulës të tretur më parë në ujë dhe verën. I përzieni mirë të gjitha bashkë dhe më pas i hiqni nga zjarri.
3.Në një tenxhere të madhe vendosni ujin me kripë të ziejë. Shtoni makaronat të ziejnë për gati 10 minuta.
4.Më pas i kulloni dhe i lini mënjanë.
5.Në një tigan vendosni qumështin për t’u ngrohur dhe më pas e lini mënjanë.
6.Në një tenxhere tjetër skuqni 8 lugë gjelle gjalpë. Sapo gjalpi të ketë shkrirë shtoni miellin dhe e trazoni vazhdimisht, për gati 3 minuta.
7.Gradualisht i shtoni qumështin, por ende vazhdoni ta përzieni.
8.Tani i shtoni djathin çedar dhe mozzarella dhe i përzieni derisa ato të shkrijnë.
9.Merrni një tavë dhe shtoni në të makaronat.
10.Sipër i shtoni masën me qepë që përgatitët dhe në fund salcën me djathë.
11.I përhapni mirë dhe e fusni tavën në furrë për 10 minuta në temperaturë 180 gradë. Ju bëftë mirë!