Tarta të thjeshta me reҫel

Veshtiresia
E lehte
Gati për:
18 minuta
Koha gatimit
50 minuta
Sugjerohet për:
Kalori:
250 g miell të thjeshtë, plus shtesë për pluhurosje
125 g gjalpë i prerë në kubikë, plus shtesë për tavën
1 vezë mesatare
1 degë vaniljeje
100 g reçel ose marmelatë sipas dëshirës tuaj

Hidhni miellin, gjalpin dhe pak kripë në një tas dhe fërkojini së bashku me majat e gishtave (ose mund t’i bashkoni këta përbërës në një përpunues ushqimi nëse keni). Kur përzierja të duket si thërrime buke, përzieni vezën dhe farat e vaniljes me një thikë. Shtoni 1 lugë gjelle ujë të ftohtë, më pas filloni ta bashkoni brumin në një masë me duart tuaja – përpiquni të mos e punoni shumë. Shtoni edhe 1 lugë gjelle ujë nëse nuk bashkohet, por përpiquni të mos shtoni më shumë se kaq. Mbështilleni me celofan dhe vendoseni në frigorifer për 30 minuta.

Ngroheni furrën në 200C. Lyejeni me gjalpë një tavë me 12 vende, më pas pudrosni sipërfaqen e punës me miell. Hapeni brumin e ftohur në mënyrë që të jetë afërsisht me trashësinë e një monedhe, më pas përdorni një prestar të rrumbullakët të drejtë ose me krahë për të prerë 12 rrathë, mjaft të mëdhenj për të mbushur hapsirat në tavë. Hidhni 1-2 lugë gjelle nga mbushja e zgjedhur në secilën prej tyre.

Piqini për 15-18 minuta ose derisa të marrin ngjyrë të artë dhe mbushja të fillojë të lëshojë pak flluska. Lërini të ftohen në tavë për disa minuta dhe më pas kalojini me kujdes në një raft teli që të ftohen plotësisht.

Komento