Sugjerojmë:

Supë vjeshtore me krem kungulli

600 gr tul kungulli portokalli
4 karrota mesatare
1 qepë mesatare
600 ml lëng perimesh (ose lëng nga koncentrate perimesh)
Gjalpë
Piper të zi
Për shoqërim: kubikë buke të skuqur në gjalp ose pançetë të prerë në shirita të skuqur në pak yndyrë derisa të rezultojë krokante ose fara kungulli të pjekura

Grijmë qepën dhe e kavardisim në pak gjalp në zjarr mesatar derisa të rezultojë masë homogjene duke e perzierë shpesh.

Lajmë karrotat dhe kungullin, i qerojmë dhe i presim në copa të vogla dhe i shtojmë tek qepa, duke i përzier edhe për pak minuta.

Shtojmë lëngun e perimeve të nxehtë, i vendosim kapakun dhe e ziejmë për rreth gjysëm ore.

E kalojmë masën në mikser derisa ta reduktojmë në krem të butë dhe pa copëza perimesh.

E shërbejmë supën të ngrohtë dhe e spërkatim me pak piper te zi te shoqëruar me kubiket e bukës së skuqur me gjalp ose pançeten krokante.

Lini një koment