Supë peshku me karrota, selino dhe patate

Patatet, karrotat, mashurkat dhe selinoja, pastrohen e priten në copa kubike.

Në tenxhere me vaj kavardiset qepa e grirë hollë, pastaj shtohen karota, selino, mashurka, pak miell dhe pasi kavardisen shtohen domate të freskëta të cilave u është pastruar lëkura.

Lëngu i peshkut i përgatitur më parë dhe i kulluar, i hidhet përzierjes dhe lihet të marrë valë, shtohen patatet dhe lihen të ziejnë rreth 10-15 minuta, derisa të jenë gati.

Gjatë zierjes hidhet një fletë dafine.

Supa rregullohet me kripë, piper e majdanoz.

Gjatë vendosjes në pjatë hidhen copa tul peshku të zier.