Peshku koc është fantastik për një supë, pasi ka shumë tul dhe na jep në fund një shije që mbahet mend gjatë!
Në një tenxhere me 1 litër ujë dhe pak kripë, zieni peshkun koc.
Në përfundim e lini mënjanë për t’u ftohur dhe më pas i merrni komplet tulin.
Në një tenxhere me vaj ulliri skuqni qepën e grirë imët dhe hudhrat e grimcuara.
Shtoni me rradhë perimet e prera në kubik të vegjël.
I përzieni mirë dhe pas 3 minutash shtoni lëngun në të cilin zietë peshkun.
I lini perimet të zbuten për gati 25 minuta.
E fikni zjarrin dhe e bëni supën kremoze me blender.
Ndizeni sërish zjarrin dhe tani i shtoni tulin e peshkut koc.
Pas 5 minutash e fikni zjarrin dhe i shtoni në përfundim supës, lëngun e limonit dhe majdanozin e copëtuar.
Shërbejeni të ngrohtë. Ju bëftë mirë!
Lini një koment