Si të përgatisim në shtëpi tortën e famshme Cipriani

Për të realizuar 2 pandispanja përsërisni të njëjtën recetë dy herë pra dyfishoni përbërësit.

Pas pjekjes pandispanjën e lemë të ftohet dhe pastaj e presim.

Pandispanja do të regjet me sherbet.

• Për sherbetin ju nevojitet :

-500 ml ujë

-350 gr sheqer

-1 limon i prerë në feta

Shtojmë të gjithë përbërësit  më sipër në një tenxhere dhe i lemë të ziejnë sa të trashet sherbeti.

Pandispanja do të regjet me sherbetin e vakët.

Tani na nevojitet kremi i pastiçerisë.

Per realizimin e tij ju nevojiten :

-800 ml qumësht

-5 të verdha vezësh

-Lëkura e një limoni e grirë

-300 gr sheqer

-150 gr miell

Rrahim të verdhat e vezëve me sheqerin. Shtojmë miellin. Vendosim qumështin në temperaturë të ulët me lëkurën e limonit të ngrohet dhe pasi shikojmë që është ngrohur, heqim lëkurën e limonit e shtojmë vezët dhe i përziejmë gradualisht në temperaturë të ulët/mesatare derisa kremi të trashet.

Më vonë e hedhim në një enë dhe e mbulojmë me plastmas gatimi i cili prek kremin e pastiçerisë, kjo gjë ndihmon që të mos krijojë sipërfaqe kremi i pastiçerisë. E lemë të ftohet.

Me të bardhat e vezeve të ngelura mënjanë realizojmë merengen. Mund ta realizoni me sherbet ose me sheqer. Tek të bardhat e vezëve, shtojmë sheqerin dhe i rrahim derisa të formohet merenge e fortë.

Tani të gjitha gjërat janë gati për të lidhur tortën.

Në një karton ose pjatë për tortën vendosim pandispanjën dhe e njomim me sherbetin që bëmë, shtojmë sipër krem dhe pastaj sërisht pandispanjë. Përsërisim deri në përfundim të tortës me 2 ose 4 kate.  Në pjesën e jashtme  hapim merengen në mënyrë uniformë dhe gjëja e fundit për t’u bërë është ta digjni me një torch gatimi që merenga të formojë një kërce të lezetshme zjarri.

Receta nga Albina Shehu