Paçe e Dibrës, si nga dora e gjyshes
Miellin e misrit e skuqim me gjalpë derisa të marrë ngjyrë kafe të çelur, më pas e shuajmë me lëng mishi dhe e përziejmë që të mos krijohen kokrriza. E lemë të ziejë për 10-15 minuta duke përgatitur një...
Sallatë me mango, sallatë jeshile dhe patëllxhanë të pjekur
Po vjen vera dhe fatmirësisht kemi mundësi pafund të krijojmë sallata të ndryshme me frutat dhe perimet e stinës që ajo ofron. Detoksifikuese, e pasur me antioksidantë, fibra, vitamina, dhe veçori të tjera të rëndësishme për shëndetin dhe mirëqenien e organizmit. Mango është një frut ekzotik shumë i shijshëm jo vetëm për përgatitjen e lëngjeve të frutave, sorbetove e akulloreve, por edhe për sallatat si kjo me bazë sallate jeshile, patëllxhanësh e lëngu limoni. Shtoni edhe pak djathë provola dhe do të keni një tryezë një pjatë unike, të ushqyeshme e të shëndetshme, perfekte për ta marrë edhe në plazh.
Ingredientët
- Një tufëz sallatë jeshile
- 1 patëllxhan
- 1 mango e pjekur
- 1 lugë lëngë limoni
- 120 gr djathë provola
- 3 feta bukë integrale
- 1 lugë kafeje rigon
- Pak uthull balsamike
- Vaj ulliri ekstra i virgjër
- Kripë deti
Udhëzimet
1
Prisni në feta patëllxhanin, piqeni në skarën e sobës dhe shtojini vaj ulliri, uthull balsamike dhe rigon.
2
Pastroni mangon, priteni në kube dhe përziejeni me lëngun e limonit.
3
Thekni fetat e bukës, pritini në copa dhe bashkojini me vaj e rigon.
4
Prisni djathin në kube, në të njëjtat përmasa me bukën.
5
Lani sallatën, thajeni, copëtoni gjethet me duar dhe vendoseni në një pjatë duke e spërkatur me vaj, kripë e uthull.
6
Vendosini sipër përbërësit e tjerë dhe shërbejeni
Lini një koment