Një pjatë e lehtë dhe e freskët që shfrytëzon cilësitë e limonëve. Kemi zgjedhur mishin e grirë të viçit. Kemi eliminuar panën, miellin e bukën dhe kemi përdorur vetëm një vezë.
Përbërësit:
½ kg mish viçi i grirë dy herë
5 lugë gjelle parmixhano
1 limon
1 vezë
Vaj ulliri e.v
Kripë
Pergatitja:
Në një enë thyeni vezën dhe rriheni lehtë, përziejeni me mishin e grirë, djathin parmixhan dhe kripën.
Formoni me duar qofte të vogla duke i shtypur mirë në mënyrë që të jenë kompakte.
Ngrohni një lugë vaj ulliri në një tigan të gjerë.
Vendosini të skuqen ngadalë qoftet duke i vendosur kapakun tiganit.
Kthejini nga ana tjetër derisa të marrin ngjyrë të artë në dy anët.
Shtoni lëngun e limonit pasi e keni shtrydhur dhe filtruar.
Lërini të gatuhen edhe për disa minuta derisa të kenë një pamje paksa kremoze dhe pjata është gati.
Sipas dëshirës mund t’i shtoni edhe trumëz ose majdanoz.
Nëse kërkoni një pjatë verore të shpejtë, kombinimi i kungulleshkave të pjekura, djathit të bardhë dhe limonit është një nga më të thjeshtat. Kungulleshkat piqen në temperaturë të lartë që të marrin ngjyrë pa u bërë të qullëta, ndërsa...
Orzo duket si oriz, por në fakt është një lloj paste e vogël. Në këtë recetë gatuhet me domate qershi dhe kungulleshka, ndërsa feta, limoni dhe borziloku i japin freskinë që kërkon një pjatë vere. Përbërësit për 4 persona...
E ëmbël, kremoze, krokante dhe pak e kripur: bruschetta me pjeshkë dhe burrata është një nga ato receta ku pak përbërës krijojnë një rezultat shumë më interesant nga sa prisni. Përbërësit për 6–8 bruschetta 1 baguette ose bukë rustike...
Lini një koment